لما نقرأ في الإنجيل نعرف أن يسوع المسيح كان بيعلم الناس عن ملكوت السموات والناس حبت تعليمه وسمعت كلامه وامنوا به كانوا يقعدوا حواليه وهو بيعلمهم الإيمان السليم وكانوا بيقولوا ليه "يا معلم" وعلشان كده الناس اعتبرهم إنهم بقوا تلاميذ له. وبعد ما يسوع المسيح صعد الى السما كل الناس اللى آمنت بالسيد المسيح بقى اسمهم تلاميذ لغاية ما الناس اللى في أنطاكية سموا كل اللى آمنوا بالمسيح مسيحيين ومن يومها وكل اللى يآمنوا بالسيد المسيح يبقى اسمهم مسيحيين.
الكلام ده معناه اننا تلاميذ للسيد المسيح والتلميذ الشاطر يسمع كلام معلمه بإنتباه ويسأل ويسمع شرح المعلم علشان يبقى فاهم الدرس كويس. يبقى علشان نفهم كلام يسوع يبقى لازم اننا نتعلم كويس لغات قديمة وبكده تقدروا تقروا الإنجيل وشرح القديسين القدام باللغات اللى كتبوا بيها. مرة تانية احنا تلاميذ حبيبنا يسوع المسيح ولازم نبقى فاهمين كويس هو عايز يعلمنا ايه.
ليست هناك تعليقات:
إرسال تعليق